lørdag 17. mai 2014

200 år og blidare enn nokon gong!

Det er kanskje litt vågalt å hevde det, men eg gjer det likevel: Noreg er i 2014 eit langt betre land å bu i enn i 1814. Og så kan eg hive på at dei som møttes på Eidsvoll i 1814 har mykje av æra for at det er nettopp slik. Det er mykje som har skjedd dei siste 200 åra ... men dette er ikkje plassen for 17. mai-talar... Eg vil heller vise korleis vi feira 200-årsjubileumet!

Walking beauty og sleeping beauty på veg til feiringa på Vik:


Jens saman med 1. og 2. klasse i toget:


Korpset:


Også 8.- og 9. klasseelevane frå Erfjord stilte bak si fane. Ein flott gjeng!


Dagen starta noko grå, men ikkje ein dråpe falt over Erfjord på grunnlovsdagen, og etter kvart skein sola opp og auka issalet i kiosken.



Lise fekk seg ein eigen "tutas" som ho kunne bruke i toget, og det gjorde ho til gangs. I upåklageleg stil (no hands!) tuta ho seg taktfast gjennom HEILE toget... Vi gjekk saman med ungdomsskuleelevane, og etter ei stund tykte eg litt synd på dei bakerste av dei... Heldigvis fann ho ei god veninne ho kunne gå og tute saman med ei stund...


Toget på veg over Erfjordbrua.

Tilbake på skulen starta samlinga i gymsalen med ein potpurri framført av skulekoret. Eit breitt spekter av 17.mai-songar, som Norge i rødt, hvitt og blått, Mellom bakkar og berg og Se Norges blomsterdal, vart framført av koret som heilt tydeleg har øvd seg godt!



Det var trangt og varmt inne i salen, så vi gjekk ganske fort ut. Der var høgtalarar, så vi fekk med oss programmet, og samtidig kunne borna få røre litt meir på seg.


Det var vel ikkje til å komme utanom at bunadskoa til Jens fekk seg ein knekk i denne kampen...

Frå Lise sitt synspunkt varte programmet leeenge, og gleda var dertil stor då issalet endeleg starta!


Jens og Lise vart også med på ein del leikar. Dei hoppa blant anna lengde, og sprang 60-meteren. Dei sprang så raskt at faren berre så vidt rakk å skru på kamera og fokusere før dei var over på andre sida...


Og her er faren sjølv i ferd med å vinne seg ein krokanrull...


Også Jens og Lise kasta. Det endte med at Lise og eg delte krokanrullen, noko begge var vel nøgde med!


Tippeløype:


Frå vegen var det god oversikt over skuleplassen. Mange glade folk, og mykje godt humør samla på eit ganske lite areal. Det er kjekt med 17. maifeiring!


Og likevel er det veldig deilig å komme heim att, og kunne slappe av i vårt eige selskap. Signe er kanskje verdas nest mest tolmodige eittåring, og fann seg godt til rette i vogna medan vi var på skulen. Der sat ho og kikka på folk, snakka med oss og leika med det som var innan rekkevidde. Ho kjente nok ekstra på gleda over å komme heim og kunne utfalde seg i meir naturlege omgjevnader...


Til kveldsmat i dag åt vi nybaka rabarbrakake og sjølvlaga kokosiskrem (Det er då trass alt 17. mai!)


Gratulerer med dagen, alle! Og Gud signe vårt dyre fedreland!

4 kommentarer:

Familien Ohma sa...

Gratulerer med dagen til dokke óg! for noken nydelige tante og onkelbarn vi har! likte veldig godt Lise si tuting gjennom heile toget- uten hender! respekt :)

NinaogOle sa...

Me sakna dykk i går, altså! Då me for ei veke eller to sidan snakka om at det snart var 17.mai, jubla Lise spontant 'Jippiii! Og då kjeme jo Malin og Kaja og dei!!' Det BURDE jo ha vore sånn kvart år! :)
Lise har elles planar om å tute i toget kvart år framover, så håpet om meir vellyd lever godt...:)

Snap sa...

Looks like fun for everyone. Wonderful celebration and the dress is lovely.

Gary Phillips sa...

Great time for all!! Boom, Bobbi and Gary.