søndag 22. november 2015

Kleppsnuten i 5 minus

Det er ei stund sidan sist vi var på Kleppsnuten. Minst eit par år. Så då det vart meldt sol og blå himmel for denne dagen, bestemte vi oss for at NO var tida inne for ein ny tur! Vi var litt i tvil då vi såg at det var mange minusgrader ute, men alle ting kan fiksast med ull og gode dressar. Og to termosar med varmt vatn og kakao i sekken...


Ein fordel med frost, er at bakken er hard og stødig å gå på. Myra var ikkje noko problem i dag... Og det er alltid mange fine byggverk å finne langs stien!


Første delmål for turen, var å kome opp til Klovnesteinen. Vi såg at der var sol, og kan vel ikkje seie anna enn at det gav litt ekstra motivasjon. Likevel gjekk det ikkje så veldig raskt, for Signe ville gjerne gå mesteparten av vegen opp dit på eigne bein.


Same stein, frå ein annan vinkel, etter ein liten pause og passering av myra:


Ikkje den verste utsikta langs vegen!


Så nådde vi toppen! Bamsus var med heile vegen, og verka begeistra over utsikta. Vi andre var begeistra over både utsikta og varm kakao...


Det er ikkje kvar dag at vi langt inne i fjordane får sjå sola gå ned i havet. Eit vakkert syn!



Blåne bakom blåne:


Dei siste solstrålane denne dagen:


Etter solnedgang er himmelen rosa, og månen lyser klart over eit goldt og vakkert landskap.



Den siste etappen av turen ned att var det begynt å bli mørkt. Då er det godt at vi kjenner stien, og ikkje er mørkeredde!



søndag 1. november 2015

FORUT-løp og gardsbesøk

Fredag vakna vi opp til ein fantastisk austhimmel:


Signe og katten var ute og såg på soloppgangen.



Det var igrunn greitt at det var så pass fint vær denne dagen, for fredag var dagen det store FORUT-løpet skulle arrangerast. Elevane ved Erfjord skule har skaffa seg sponsorar, og sprang i 30 minutt rundt idrettsbana. Dei samla inn ein del tusen til FORUT, som i år skal hjelpe jenter i Nepal å få gå på skule. Her er dei snart klare til start:


Etter løpet laga elevane mandala, og gruppa til Jens laga denne flotte blomen:


I går fekk vi uventa besøk på altanen. Ein liten fuglekonge-unge fauk i vindauget vårt, og trengte litt tid til å komme seg. Publikum fulgte spent med:


I går ettermiddag fekk Lise kome på gardsbesøk hos Jarle på Østerhus. 


Det vart besøk både hos kalvane, kyrne, dei nyfødde grisungane...


...og hos dei litt fleire veker gamle grisungane, som det nok var litt meir futt i:


I bilen heim lista ho opp dei fire tinga ho skulle fortelje mamma frå besøket:

1) at ho fekk halde ein grisunge
2) at ho fekk styre traktoren
3) at ho fekk mjølke ei ku
4) at den eine grisungen prøvde å bite i støvelen hennar

Eg trur det var ei stor oppleving, så takk for fin guiding, Jarle!


søndag 25. oktober 2015

Teiknestund

I ettermiddag benka heile familien seg framfor videospelaren, og teikna teikningar inspirert av Øysteins blyant. Her er resultata:

Lise:

Pappa:

Mamma:



Jens:



Signe:

lørdag 24. oktober 2015

Hente epler


Herleg å berre kunne gå utanfor døra, og finne seg modne epler å ete!

torsdag 13. august 2015

Bursdag i sommarsol!

Dei som er så heldig å bli 9 år, får ikkje berre ei bursdagsfeiring, men to! I dag var det barneselskap som stod for tur, og været viste seg frå si aller beste side i anledning dagen.


Så varmt var det, at dei unge gjestane heldt på å smelte vekk i varmen på altanen. Då var det godt å ha litt is og frukt å kjøle seg ned på. Og jammen dukka det ikkje opp ei fotballbanekake denne gongen også!


I slikt fantastisk vær ligg alt til rette for uteleik, så vi gjorde mykje av det. Jens ville gjerne leike boksen-vink, så vi starta med den, etterfulgt av ballongkonkurranse. Her skulle dei blåse opp kvar sin ballong, for så å sleppe den og prøve å få den til å lande nærast mogleg eit utpeikt mål. Det var ikkje alltid like lett å få den til å fly dit ein vil - enn sei i riktig retning!


Det er kanskje ikkje så lett å sjå på bildet over, men der står altså ein to år gamal spion på altanen og følgjer med på det heile.

Mot slutten av selskapet leika vi "Finn mordaren", der ein detektiv skal avsløre ein mordar. Dei "vanlege" + mordaren går rundt og handhelsar på kvarandre. Mordaren skal trykke to gongar, og den han helsar på må då leggje seg ned kort tid etter. Så gjeld det å avsløre kven som får dei andre til å leggje seg ned. Det er slett ikkje like lett alltid!

For Lise sin del kom høgdepunktet i feiringa like etter at selskapet eigentleg var over. Då var det doktortikken i hagen, medan den eine etter den andre vart henta. Dei fleste var nok gode og varme då dei gjekk frå selskapet!


Etter to kjekke timar var selskapet over, og gjestane blitt henta. Signe, Lise og Jens leikar seg med skuggane på muren (Det har rett og slett ikkje vore så mange dagar i sommar då dette har vore mogleg, så det var ganske artig å oppdage dei tydelege skuggane!)


Signe tok like godt ei heil danseoppvisning...


Det var litt skummelt med så mange store på besøk, så då hagen var blitt tom att, våga ho seg ned og slo seg laus på plenen ho også!


Til slutt ein liten kikk inn i leikehytta, der møblane no er plass att over det nymalte golvet:


onsdag 12. august 2015

Ein runde i hagen

Nokre glimt frå hagen i ettermiddag! Både blomar...




 Nysgjerrig katt...


Fleire blomar...


Endå fleire blomar...


og ein veldig nysgjerrig katt... 


Signe og katten fann tonen på plenen. I alle fall ei stund. Signe prøvde å lage piggsveis på ryggen hans - og det likte han så dårleg at han til slutt såg seg nøydd til å daske til henne på kneet. Etter det gjekk dei kvar til sitt...

Nina har hatt eit make-over-prosjekt på gang i leikehuset. Nokre av møblane har fått ny farge:


Og underlaget ho brukte då ho spraya møblane, var det gamle vegg-i-frå-vegg-til-veggteppet, som no altså er fjerna og kassert. I byte har golvet fått ein ny, flott gråfarge!


mandag 10. august 2015

Etnemarknaden

På veg heimover frå Bømlo, svinga vi innom Etnemarknaden ein tur. Der har vi aldri vore før, så vi tenkte at det er sikkert gøy!

For ungane var det særleg to store høgdepunkt. Først å sjå hundane i agility-løypa:


... og så tivoliet, sjølvsagt!


Sjølv om det ikkje vart gevinst i lykkehjulet...


Og berre nesten treff på tallerkane. Ballen traff den raude kanten og spratt oppover:


På veg tilbake til bilen gjekk vi innom husdyrteltet. Signe vinka og ropte til dei fleste dyra. Berre den eine sauen gav respons (men då var det til gjengjeld ikkje så kjekt lenger - den litt høglytte brekinga var nok litt uventa...)